Apúntate aos cursos 2025 - 2026 a través do noso formulario online!
Actividades 2025
A nosa asociación caracterízase tanto polas saídas que teñen os diferentes grupos como polas actividades de carácter asociativo ou cultural que organiza. Na seguinte páxina atoparás todas as actividades pasadas que fomos realizando ao longo do ano 2025.
08.11.2025
XVI Foliada de Queiroa
Por aquí vos deixamos un pequeno recordo do que foi a XVI foliada de Queiroa e mailo concurso de baile tradicional. Poidemos gozar do concerto do Grupo Ailá, e grazas tamén a tódolos grupos que nos acompañaron nesta xornada que foron mais de 150 músicos e músicas!
25.10.2025
XVIII Ruada de Teixeiro
O noso grupo de gaita e percusión estivo na XVIII Ruada de Teixeiro organizada pola @asociacionfaragulla
Grazas por contar con nós un ano máis!
20.09.2025
Foliada de Queirís
O noso grupo de gaita e percusión estivo pola foliada de Queirís, grazas por contar con nós!
20.09.2025
LVII Concurso de gaitas do Pais
O sábado 20 de setembro os nosos compañeiros gañaron o primeiro premio no LVII Concurso de gaitas do Pais de Ponteareas, noraboa rapaces!!
06.09.2025
Cantos do Demo
Estivemos polo Temple nos Cantos do Demo, que ben o pasamos!
Grazas a @ostabernos e @asociacionurbilar por organizar e contar con nós, esperamos repetir o ano que vén!
18.08.2025
Festas de Sada
O pasado 18.08.2025 á mañá o grupo de gaitas e percusión amenizou as rúas de Sada e pola tarde estivo pola sardiñada.
Grazas por contar connosco. @concellosada
17.08.2025
Festas de Carnoedo
O noso grupo de gaita e percusión estivo pola mañá amenizando as festas de Carnoedo.
19.07.2025
Queiroa na Rúa
Foi unha xornada chea de maxia que comezou co son do pasarrúas espallándose polas rúas de Sada. A nosa Escoliña e as pandeireteiras puxeron ritmo e cor en cada recuncho, sementando alegría coa súa arte.
Xa pola tarde, puxémonos en camiño cara o porto, onde o noso Queiroa na Rúa prendeu a chispa das Festas do Carme. Un escenario compartido coa marabillosa @asociacionfaragulla , que trouxo a súa enerxía dende Teixeiro para facernos vibrar co seu baile e a súa música.
E por se fose pouco, pechamos o día ao son de @aila.gz, cun pequeno gran concerto que nos deixou o corazón latexando a ritmo de festa.
Quédanos, sobre todo, dar as GRAZAS.
Grazas a @asociacionfaragulla por ser compaña de luxo nesta aventura.
Grazas a cada persoa que se achegou, que bailou, que aplaudiu, que fixo que este día brillase máis forte.
E, como non, grazas infinitas á nosa familia Queiroa, alma e motor de todo isto. Sen vós, nada sería igual.
Por moitos anos máis de música, de baile… e de corazóns en festa!
Actividade subvencionada pola Cultura da Deputación da Coruña e Concello de Sada
18.07.2025
Presentación de revista
Estivemos na presentación da revista número 30 da Asociación Cultural Irmáns Suárez Picallo.
12.07.2025
O Son do Castro en Borneiro
O noso grupo de gaita e percusión tocou unhas peciñas na foliada de O Son do Castro en Borneiro.
Grazas por contar con nós un ano máis!
05.07.2025
Foliada solidaria pola ELA
O noso grupo de pandeireta estivo na foliada solidaria pola ELA organizada pola Asociación @agaelagalicia en Cambre.
Grazas por contar con nós
29.06.2025
Clausura das actividades de maiores
O grupo de acordeóns de Queiroa participa no acto de clausura das actividades de maiores do Concello de Sada que se celebrou no auditorio Pintor Llorens.
28.06.2025
Foliada de Ameda
O noso grupo de gaita e percusión estivo na II Foliada organizada por @ac_ameda .
Grazas por convidarnos un ano máis
13.06.2025
Concerto didáctico en Rianxo
O venres pola mañá fomos ata o @ceip.anamaria en Rianxo a dar un concerto didáctico.
13.06.2025
Algueirada Miuda
As nenas de Trasín foron á Algueirada Miuda organizada por @acm_airinosdoeume e… que ben o pasaron!
13.06.2025
Foliada Xacarandaina
O sábado á noite o noso grupo de gaita e percusión foi tocar á foliada de @xacarandaina_oficial . Grazas por convidarnos, vémonos na próxima!
31.05.2025
Xabafest
O sábado á tarde as nosas nenas e nenos participaron na Xabafest en Sada.
31.05.2025
Festa Amanexa
A noite o noso grupo de gaita e percusión tocou na XI Festa Amanexa organizada polas amigas de @acoamanexo .
24.05.2025
Festival da Escoliña de Queiroa
Aquí vos deixamos algúns recordos do Festivaliño celebrado o pasado sábado, onde os nosos nenos e nenas compartiron escenario coas pequenas da @afoarcodavella de San Miguel de Reinante.
Queremos aproveitar para dar as grazas a todo o alumnado da escoliña polo seu esforzo e dedicación ao longo do curso, que fan posible momentos tan especiais como este. Grazas tamén ás súas familias, que sempre están presentes para apoiar, axudar e animar.
Un agradecemento moi especial á @afoarcodavella pola súa compañía neste día e por compartir con nós o seu traballo e a súa música.
E, por suposto, grazas á nosa xente, que nunca falla e colabora en cada evento con entusiasmo e sen dubidalo, facendo que todo sexa moito máis doado.
Xa estamos contando os días para o Festivaliño do ano que vén!
24.05.2025
Cantos de Taberna Pontedeume
Estivemos polos Cantos de Taberna de Pontedeume, que ben o pasamos!
Vémonos na próxima Airiños Do Eume
18.05.2025
II Festival de Música e Danza Faragullas
Participamos no II Festival de Música e Danza Tradicional da Faragullas Asociación grazas por convidarnos e vémonos na próxima.
17.05.2025
Día das Letras Galegas en Sada
O domingo celebramos o día das Letras Galegas en Sada xunto coas asociacións @ac_ameda e @nova_troula . Tamén estivo a incrible Teresa dos Cucos e o dúo Casás & Barcia.
Foi un día cheo de emocións e música en honor ás cantareiras ás que se lles dedicou este día.
10.05.2025
Foliada Donaire, A Coruña
Desfrutamos da foliada de @ac__donaire na cúpula de Eirís, que ben o pasamos, vémonos na próxima.
25.04.2025
Concerto Acordeon
Os Amigos do Acordeón convidáronnos a tocar con eles, que ben o pasamos!!
30.03.2025
15.02.2025
Cantos de Taberna, Centro Social da Sagrada Familia.
Pasamos unha gran tarde!!
Queiroa debutou nos Cantos de Taberna celebrados no Centro Social da Sagrada Familia.
Unha inmellorable xornada da man da organizadora Grupo de Música Tradicional A Rexouba e cos/as compañeiros/as de @acsondaqui
Grazas por convidarnos, xa estamos desexando volver!
08.02.2025
Presentación libro "Co violín o carrelo"
O noso grupo de violíns participou na presentación do libro "Co violín o carrelo" de Alexandre Cadarso Suárez no Pazo da Peregrina (Bertamiráns)
07.02.2025
Foliada Follinas, Oleiros
Que ben o pasamos na foliada de @follinas.oleiros !!!
As nosas pandeireteiras de Alborelle e o grupo de gaitas e percusión foron tocar unhas peciñas.
Por aquí vos deixamos un pequeno recordo.
01.02.2025
Festival Acodeóns Xebre
O noso grupo de acordeóns participou no festival de acordeóns Xebre, xunto co grupo EOAS de zamfonas.
Deixámosvos por aquí un pequeno recordo
17.01.2025
Residencia DomusVi, Montrove
Estivemos na residencia DomusVi, en Montrove, botando unhas peciñas… e visitando ao noso Manolo, que grande tarde! Voltaremos!
Deixámosvos unhas fotiños da xornada!
